Mentanarhúsið

Fríggjakvøldið 2. mai kl. 21 spælir Lyon eina sermerkta akkustiska konsert í Mentanarhúsinum, við Kristian Paula Ellefsen og Karl Andrias Stórá á klaver og bass. Við íblástri úr gospel, blues og føroyskum gerandislívi gevur Lyon eina hjartanemandi uppliving – bæði fyri nýggjar og trúgvar áhoyrarar.

Leygarkvøldið 3. mai kl. 21 verður Mentanarhúsið fylt við outlaw country, blues og føroyskum rokki, tá Sámal Ravnsfjall og Benjamin Petersen, saman við sínum superbólki, taka okkum við á eina minniliga og ófiltreraða tónleikaferð – beint úr hjartanum og út í rúmið! Við á pallinum eru eisini Jan Rúni Poulsen, Torleik Mortensen, Kim Hansen og special guest: Ragnar í Vík.