Vit vilja hervið nýta høvið hjartaliga at takka øllum, sum vóru við til at gera Livandi Varmakeldu til eitt so hugnaligt og væleydnað tiltak, sum tað var. Tað er stuttligt at skipa fyri, tá ið so nógv fólk leggja so gott arbeiði í at skapa eina serliga løtu.

Takk til allar tónleikararnar fyri teirra fantastisku framførslur.

Takk til veitarar av tøkni, mati, drekka, vaktarhaldi og øðrum.

Takk fyri gott samstarv við Fuglafjarðar Kommunu, sjálvboðin, ítróttarfeløg og aðrar felagskapir. Takk øll okkara røsku starvsfólk í Mentanarhúsinum og Etasjuni.
Stóra takk øll tit sum keyptu atgongumerki, møttu upp og skaptu nærveru og gleði.

Endamálið var at byrja eina tilgongd at blása nýtt lív í Varmakelduna, og tað halda vit eydnaðist til fulnar.
Nú fara vit at eftirmeta tiltakið so vit kunnu gera tað enn betur næstu ferð. Vit gleða okkum longu til næsta ár og taka við takksemi ímóti øllum afturmeldingum.

Takk enn einaferð øll somul!

Her eru nakrar myndir frá tiltakinum, sum Kristfríð Tyril tók.

Við bestu ynskjum,
vegna Livandi Varmakelda
Mentanarhúsið og Etasjan

#livandivarmakelda #varmakelda2025 #fuglafjørður ... Sí meiraSí minni

Varmakeldan hevur verið frálík higartil, sum Alessio Mesiano dokumenterar her so meistarliga.
Og tað besta er eftir enn. Livandi Varmakelda koyrir fulldrøn í Mentanarhúsinum til kl 04. ... Sí meiraSí minni

Myndir, Livandi Varmakelda hevur lagt út ... Sí meiraSí minni