Bókaframløga við sjónleiki. Magnus Heinason – hetja ella brotsmaður?

Var Magnus Heinason ein hetja, ið fekk ein órættvísan deyða ella ein brotsmaður, sum fekk revsingina, hann hevði uppiborið?
Tað hava fólk verið ósamd um síðani deyða Magnus Heinasonar. Magnus vaks upp í Føroyum í 16. øld. Hann var ævintýrari og sjógarpur og kendur víða um í Norðurlondum og Evropa fyri at stríðast ímóti sjórænarum, men ikki minst fyri at vera ógvuliga djarvur og snildur.
Í Føroyum minnast vit fyrst og fremst Magnus Heinason fyri, hvussu hann basti sjórænarum, sum herjaðu her og fyri at hann bygdi fyrsta skansan í Havn.

Magni Joensen lærari prátar við rithøvundan Páll Nolsøe, um bókina og um Magnus.
Teknarin Jóannes B. Lamhauge fer at sýna fram og greiða frá um myndirnar, sum hann hevur gjørt til bókaútgávuna.
Sjónleikarnir Nicolaj Falck og Óli Svein Luherusson føra fram sjónleikabrotini.

Tiltakið er fyri næmingar og lærarar í Fuglafjarðar skúla, men eisini fyri teimum í hava áhugað í hesum. Tað er avmarkað pláss.

Hava aðrir flokkar hug at vera við til tiltakið, skulu tey boða frá hjá Fuglafjarðar Bókasavn 238016 ella bokasavn@fuglafjordur.fo

Tiltakið verður í ein tíma og er ókeypis.