Dubult útgávu-konsert ! Dania O. Tausen & Beinir

Á Varmakeldu – Sunnukvøldið 4. Juli verða tvær góðar útgávukonsertir.
Dania O. Tausen og Beinir eru tvey av okkara bjartastu stjørnuskotum, ið bæði lata úr hondum nýggja útgávu í næstum.  Kom og uppliv tvær sera forkunnuðar konsertir við nøkrum av okkara allarbestu ungu tónleikarum.

BEINIR : Tað eru meir enn 10 ár síðani, Beinir, sum smádrongur, fyrstu ferð trein inn á føroyska tónleikapallin, og 28. mai í ár lat hann sína fyrstu EP, ”World Out There”, úr hondum. Talan er um orkumiklan popptónleik við skiftandi rútmum, meðan tekstirnir snúgva seg um týðandi og viðkomandi persónligar spurningar og søgur í hansara lívi. Løgini hava dýbd og lýsa kensluna av at finna sína egnu meining í tilveruni.

Við sær á pallin hevur hann Bárð Petersen, Benjamin Djurhuus, Jákup Tórgarð og Fríða Bjarkhamar.

DANIA O. Tausen : ‘Gonguteigatúnatos’ er navnið á spildurnýggju plátuni hjá Daniu O. Tausen, sum kemur út fríggjadagin 2. juli og verður at hoyra LIVE í Mentanarhúsinum sunnukvøldið 4. juli kl. 20:00. Tað er verður einasta útgávukonsertin hjá Daniu á Eysturoynni. Dania fer at spæla løgini av plátuni við fullum bólki og eisini verður plátan til keyps aftaná.

Gleðið tykkum til eitt brak í Mentanarhúsinum 4. juli!