Bókaútgávutiltak: Rímur á reki – eftir Alexandur Kristiansen

Bókaútgávutiltak – røður, upplestur og tónleikur

Rímur á reki er triðja bind í tríbindaverkinum eftir Alexandur Kristiansen.
Bókin telur 600 síður.

Tað fyrsta bindið fevndi um týddar yrkingar úr øllum heimunum. Eitt savn við alheimslyrikki á føroyskum, sum hann hevur týtt í eina hálva øld.

Annað bind var hansara egnu yrkingar til vaksin eitt dygdargott úrval úr øllum søvnunum, sum hann hevur skrivað í eina hálva øld.

Hetta triðja bindið fevnir um barnasangirnar og barnarímurnar, hann hevur yrkt líka síðan hann gekk á læraraskúlanum. Hann er lærarin, sum dugir at tosa við øll – stór sum smá – hevur ans fyri tí stóra í tí smáa og dugir at lýsa evni úr bæði “skeivum” og barnsligum vinklum.

Alexandur sýnir somu evni, sum Hans Andrias hevði, at tosa við øll og kemur við sínum tríbindaverki upp á hansara rók.

Hesar sjaldsomu yrkingarnar til børn við síni lívsgleði og greiða boðskapi fáa børn sum vaksin at grína og varnast og undrast og gleðast um at vera til.

————————————————————-

Á kvøldinum verður Solby Christiansdóttir vertur.

Røðarar verða Dávur Juul, Sirið Stenberg, Martin Næs, Signar á Brúnni og Sámal Matras, umframt tónleikur verður við Bárði á Lakjuni, tveimum kórum og felagssangur verður við Eyðuni á Lakjuni.

Ein sera forkunnug skrá fyri kvøldið og eitt tiltak, ið verður vert at vitja.

MatSmiðjan við Ruben Busk hevur opið í matstovuni frá kl. 14, so betri biti er eisini at fáa í húsinum.

Vælkomin í Mentanarhúsið