Klaverkonsert: Jesper René

Í november kemur danski klaverspælarin Jesper René til Føroyar á konsertferð.

Jesper René er føddur í 1974 og hevði fyrstu framførsluna aftan á lokna útbúgving saman við Odense symfoniorkestri í 1989. Hann hevur seinastu 10 árini havt eitt ótal av konsertum.

Sum nærmast tann einasti í Norðanlondum hevur hann serliga framført tey stóru klaververkini av Bach. Í seinastuni hevur hann til dømis framført Das Wohltemperierte Klavier i Grønland og Goldberg variationerne, sum hann eisini spælir í smáum serstøkum støðum sum til dømis í fongslinum í Herstedvester.

Ein aðalhugsan hjá Jesper René er, at tey stóru tónleikaverkini eisini skulu spælast í teim smáu støðunum, har tey ikki vanliga eru at hoyra. Afturat tónleikinum hjá Bach hevur Jesper eitt stórt og fjøltáttað repertoire frá Beethoven til Brahms við serligum denti á tónleikinum hjá Chopin og Debussy.

Jesper er í Føroyum 14. – 25. november og fer at hava bæði skúlakonsertir og almennar konsertir ymsa staðni í Føroyum. Skráirnar verða lagdar eftir hvørjir áhoyrararnir kunnu væntast at vera.

Hósdagin 16. november spælir kl. 20.00 spælir hann í Mentanarhúsinum í Fuglafirði. Sama dag fer hann at spæla fyri børnunum í Fuglafjarðar skúla.